Google ADS

Sulm në një postbllok në Egjipt, të paktën katër të vdekur

11:57 | 31 Dhjetor 2022
A. B.

Sipas zyrtarëve egjiptianë dhe burimeve mjekësore, të paktën katër persona janë vrarë dhe 12 të tjerë janë plagosur në një sulm në një postbllok policie në qytetin Ismailia të Kanalit të Suezit.

Të vdekurit përfshinin tre oficerë policie dhe një person ende të paidentifikuar, tregoi një dokument spitalor i marrë nga agjencia e lajmeve Associated Press.

Shumica e të plagosurve janë rekrut dhe janë dërguar në spital, sipas dokumentit, raporton aljazeera.

Sulmi ndodhi të premten pasdite në anën perëndimore të kanalit të Suezit, sipas zyrtarëve të sigurisë, të cilët folën për AP në kushte anonimiteti, sepse nuk ishin të autorizuar të informonin mediat. Zyra për media e provincës, Ismailia e përshkroi sulmin si një sulm “terrorist”.

Al-Qahera News raportoi se forcat e sigurisë vranë një nga sulmuesit. Ai transmetoi pamje grafike që supozohet se tregon një trup, duke thënë se ishte sulmuesi i vdekur.

Ndryshe, asnjë grup nuk ka marrë përgjegjësinë për sulmin.

Shpërndaje në rrjete sociale

Lajmet më të lexuara

Të ngjashme

Foto lajm